Klana i okolica

[milić]

A ča nudiš? Se ćemo nediju dogovorit. 

[Rijeka]

 Ispod Židovja,nedaleko Madonne di Guardia. Vjerojatno nekad drvena vojarna, priručni boravak za ekipu koja je boravila u obližnje dvije utvrde.

[Rijeka]

.

[zokxy]

Nije priručni nego stalni. Samo u slučaju ugroze posada se uvlačila u utvrde. 

[elvis]

Ovaj "u temeljima" je neki pomoćni , "pravi" ili barem veći i "tvrđi" se nalazi par stotina metara dalje.

To bi bio ovaj:

[Rijeka]

 Tako je 

[zokxy]

Claustra Alpium Iuliarum, lokacije od izvora Rječine prema Studeni
Te lokacija borbi iz WW2 Suho i Široki rt

[milić]

Kako muža navadit šparat

Se mislin ću pisat ili neću pa sam, evo, odlučiv da ću. A tema, ustvari navlakuša, je bila ono udomaćeno mišjenje ko mnogi maju kako su "stari judi" bili dilavni, šparni, pobožni, neporočni...
Moj pranono po tatini strani je biv Ive Šestanov. Živiv je kot većina Studenjci va to vrime a jedan od zaslužki mu je biv sako tuliko zapejat voz drv v Riku. Ma kad se je vrnjav obavezno da se je pofermav pul Marčeji va Bačurkini? (Marinko Pilepić !? početak 20. stolića) oštariji kadi bi pustiv pov teško zasluženiga zaslužka.
Njigova žena Johana je bila jako jadna na to pa mu je jedan dan parićala igrokaz.
Ive je zapejav drva i kad se je vrnjav po navadi je stav pred oštariju ma kad je nutar stupiv čekalo ga je iznenađenje. Za stolon, na kin je bilo pršuta i sira, vina, pasarete (ako je je bilo onda)... z osmeru dicu sidila je Johana.
On je misliv da sanja ali kad je omancav oči gleda - Johana i dica su tu, va oštariji.
- Ive, sidi puli nas! - zazija mu Johama.
Siv je pa mu Johana govori:
- I mi bimo jili i pili po oštarijah ali je veća potriba ča drugo kupit a ne oštare debelit.
Ive da je obećav da već neće to dilat a sad je li obećanje i održav to ne znan. (To mi je povidav pok. kujin Bruno Kukuljan pred 4-5 lit.)

[milić]

Priča # 2 o dilavnim, šparnin, pobožnin, neporočnin, divnim... "starin juden"

Moj pranono se je zvav kako va ki državi. Biv je Antonio ili Anton a si su ga zvali Tone, kot ča je i red. Kad san napisav ovo Tone zajno mi je sila na tipkovnicu ćaćina priča kad da je Tone kopav kamike (krčiv) za prezid va Šeraji. Dok je Tone kopav moj tata Ive, ki je onda imev 3-4 lita kako mi je povidav, da je ležav na travi i napov kantajuć, se z nožicami tukuć vatla, zijav:
- Kopaj, kopaj bedasti Tone; kopaj, kopaj bedasti Tone...!
A Tone da je spustiv kranp, zgrabiv Ivića, presviv ga prik kolina i udri po riti. Ali da mu ju je napjoškav.
 No, Tone je imev još slabosti a ne samo ča je tukav po riti dite ko ga je zajebavalo. Tone je voliv igrat na harte. Ča bi se danas reklo, biv je kockar a onda se timu reklo hartašina. A ni samo to biv njigov grih nigo još veći problem je biv to ča je biv loš hartašina.
Povidala mi je nona Mare da je kockarnica bila va kući kadi sad biva Jože Binin. Tamo da se je hartalo i hartalo. Ne znan ku igru su igrali ni ki je se hartav ali Tone da je fanj grunta zgubiv na hartah.
Jedanput, opet po nonini priči, Tone se je zaigrav i ni ga bilo civ dan i cilu noć. Drugo jutro da se je moja pranona, Ane ji je bilo ime, šla nazrit je li živ, ča misli i to. "Ta čovičina ni niš rekav nigo je zajev vrč z vinon i pošiniv va nju." (Beside moje none). Još ta dan i tu noć da ga ni bilo doma, komać drugo jutro da se je doma privukav.
Moj nono File se je oženiv za nonu Maretu (Margareta joj je bilo pravo ime, Tonetovu hćer) iz ljubavi, tako je on govoriv. A morda i iz jubavi prama Bavdinimu gruntu aš Mare je bila samica a grunat velik.
Kad su se užali pokarat nona bi mu odbrusila:
- Tamo hoj i komandiraj na onimu ča si si od Šestanovih prnesav!
- Jeben ti sunce! Nisan prišav na bogatiju nigo na veli dug! - ji je on zijajuć na punu kuću odgovoriv i pobigav va šumu kadi mu je bilo najlipje.
Taj dug je zgleda File namiriv aš je sad videt da va suckih knjigah "tereta nema".
Ovo je samo još jedna crtica iz obiteljske riznice aš moji predki su bili dilavni, šparni, pobožni... Ali su bili i pravi pravcati judi, od krvi i mesa. I zato jih volin aš hm...

[jazbac]

    

[lappino]

 

Podsjeća me na kolegu koji mi je s barke pokazivao red kuća/vila na Pećinama, govoreći "Ovo je prije 1945. sve bilo naše..." - "A šta onda, komunisti?" - "Ne, karte..." 

[10motb]

Klana i okolica....

[grašćina]

krasna fotka. Z Gumanca ili iz Gumanačke?

[elvis]

Ja bi rekao iz zraka iznad Gumanca/Gumanačke 

[10motb]

Iznad Goljaka...dole ljevo je cesta za Gumanac iz slovenske strane..