Zač...

[elvis]

Ma lepa je Mlaka pa i ulica Luki va njoj, a bila bi mi još lepša da me onputa nisu oni mulci zbaketali va Đardine.

Mene ja auto koji je dolazil iz ulice Luki pobral u .. prvom razredu srednje. Napukla mi leva ruka - prijelom "zelene grane" rekal je doktor.

[zokxy]

JUbt što ti nemaš sreće. Te te pobere auto kad si na noge, pa te pobere auto kad si na bicikli ... c c c 

[elvis]

Kad me krene onda me krene ! 

[milić]

Zač volin Kantridu

Kad sadhna ki spomene Kantridu zajno pomislin ne na 3. maj, va ken san delal, leh na stadion i Reku. Tuliko mi je ta trolist - Kantrida - stadion - Reka povezan jušto kot tri pera  na deteline.
Kako mi čakavci rečemo kantrida za stolicu tako se Kantrida i povezuje z kantridun. Pročital san negdere da je pul zapadnega ulaza va današnji 3. maj bil jedan veli kamičina na kega da su mogle sest tri pršone. Tuka su Kantridarke i Kantridari sedeli, počivali i ćakulali a blizu je i nekuliko potočići, ki se tuka zlevaju va more, moguće da je tu bilo jako živo dok su ženske prale robu.
Mislel san i da je kantrida po talijanski - stolica ma mi moji informatori, ki su jači va talijanskemu od mane, govore da je na talijanskemu kantrida sedia i bog. E sadahna, kako je nastala beseda kantrida to bi bilo delo za zajičare a ja siguro nisan tisti.
Kantridu, va svojoj knjige Hrvatsko primorje, D. Hirc opišuje ovako: "Bližnje mjestance zove se Kantrida. Maleno je to seoce zahladjeno visokim pistacijama i lovorikama. Sve su kućice u Kantridi  krčmice, u kojima se toči dobra kapljica, pa zato Riečani simo rado izšeću"
Potla Drugega rata Talijani su prezeli Reku i Kantride dali ime Borgomarina a kada je rat finil Kantrida je opeta postala Kantrida.
Za mane Kantrida počne od podvožnjaka va današnjoj Liburnijskoj pa nekako do Rečkega zavoja i od pruge nazdolun do mora.
No, homo mi od 3. maja pomalo pul mora prama zapadu.
3. maj je, prama hartah iz 19. stoleća, narasal na terene kega neki zovu Brgud a neki Brgudi. Nekada su Brgudi (tako ga zoven aš mi je Brgud na Učke) bili skroz do fabrike od torpedi a danaska je ostal samo on mići partić na ken je lučica od 3. maja koj i je ime Brgudi.
Da ni samo Brgud ili Brgudi upitno va 3. maje potrudil se je i potok Cerovica kega smo mi trećemajci tako i zvali a neki (npr. šjor Stražičić) ga zove Cerovice aš da se spajaju dva potočića va jednega kega da zarad tega trebe zvat va množine - Cerovice.
Kade je danaska ona vela zgrada od trećemajskega DMP-a nekada je bila tvornica Rade Šupić, a i kemijska fabrika je bila blizu, pul mora.
Pul lučice Brgudi je mića plažica na ke san se par put okupal kad bin z dela šal se propejat z čigovu barku. Nad tun plažu se je rastegnul Sporcki park od 3. maja a malo daje, pul mora je bilo nekada jako popularno kupalište Riviera z kabinami i banjinon. Tuka san kot otrok dohajal z Pehinari a okolo 1963. san počel i plavat. Zmišjan se kako se je, stareji su mi povedali da mu je tako ime, Enzo napuhnjeval na tranpuline i va more skakal. A mi mulci smo jedanput špijali i pravi seks va jenoj kabine.
Pul dečjega vrtića je jena mića plažica, a malo daje je lepa, vela plaža na koj je, pul igrališta, bila vela grota ku su razbili, me par osandeseteh. Kade je sad pomoćno igralište je bila isto plaža pa su celu tu plažu Kantridari zvali Vela plaža. Tu, pul nje, je portić z barčicami i baračicami ke su opiturane saka va svoj veseli kolor.
Zgora Vele plaže je još od 1912. leta igralište, fanj let zvir mojga veseja i žalosti. Va noveje vreme do njega je storena dvorana za atletiku.
Gremo daje, se pomalo, sad po more, i pridemo do mićega brodogradilišta. Škoda da je umrlo.
Onputa pride vila Nora ka da je storena za priležnicu od nekega austrijskega plemića. A tu, pul vile, se puno njih i kupa.
Sad prihajamo do velega kompleksa z bazeni a sprotu je storena i plaža Ploče. Nastavjamo plovit i već je tu Dečja bolnica ka je otprta va nadvojvodske vile 1924. leta  kot dečja kolonija za siromašnu dečicu.
Daje se nisan kupal na kantridarskeh plažah ma san čul da postoji još: Razbojna, Bivio, Skalete a verovatno i još ko mesto za kupat se.
Sada smo na Rečkemu zavoju pa homo hodeć pomalo nazada. Prit ćemo do zadnje stanice linije broj 1 Bivio - Pećine. I prvo je linija broj 1 vozila na Kantridu ma z Trsata a zadnja stanica je bila zgora stadiona, na kraje autostrade Narodne fronte, kako su cestu zvali 1949. kad je finjena.
Starački dom je par-sto metri daje od zadnje stanice na Bivije. Njega san dobro poznal aš mi je mat bila va njemu više od dva leta.
Stotinjak metri zgora mićega brodogradilišta je osnovna škola Kantrida ka je storena 1968. leta od samodoprinosa kot i fanj drugeh rečkeh škol. Prvo je škola, od 1909. leta, bila tamo kade je sada Centar za rehabilitaciju a vadilo se na hrvackemu zajiku do 1923. kad su va škole počeli govorit po talijanski, se do 45. kada je škola opeta postala hrvacka.
Blizu škole je pokojna Riječka industrija odjeće, naš dragi RIO. Čitan va novinah da će se na ten terene, ki je, trebe priznat, na lepen meste, srorit palaci. Samo da se ki ne zmisli pa i školu proda i stori tuka, recimo, hotel.
Kantrida ima i svoju crekvu posvećenu svetemu Antonu Padovanskemu ka je va Bujskoj a ima i samački hotel, popularni Toblerone za čigov projekt je škoda da se ni raširil.
Evo, to je na brzinu Kantrida a ja san duboko š njun povezan. Celi moj radni staž san odelal va 3. maje, proplival na Rivijere, veselil se i plakal na igralište, igral nogomet na trećemajskemu sporckemu parku dok još ni bilo dvorane a i onda kad je storena, prve lignje na žare san pojil va nekadanjoj oštarijice pul igrališta ka se je zvala Arena, jil čvapčiće prvo utakmic va al pred Jadranon ki je sad postal Ribice. Va Miramareu san potla utakmic jil tripice, sastajal se va Mini motele z prijateli, kupal se gol z kunpaniju pul grote...
Puno, puno je lepeh odgovori na pitanje zač volin Kantridu.

[Daluka]

"Zač" se duplira ista tema (isti tekst) osim ča je jena zalokotana?

[zokxy]

Tako da u jednoj odlokotanoj daš primjedbe ako ima kakvih grešaka, a druga ostaje kao zbirka pripovijest bez ometanja s komentarima.

[Daluka]

Tako da u jednoj odlokotanoj daš primjedbe ako ima kakvih grešaka, a druga ostaje kao zbirka pripovijest bez ometanja s komentarima.

Nema se tu što komentirati kad tekstovi izražavaju osobni stav i viđenje autora, ne uzimajući (mada je upoznat sa njima) u obzir drugačija tumačenja iznesenih teza.

znan za to ma mi se ni pijažalo. 
Ča bi se reklo - sloboda umjetničkog izražavanja.

[milić]

Daluka preozbiljno si to shvatil. Stavil san Laginjino pisanje va, recimo, konačni tekst. Hvala na primjedbi. Samo ča ga nisan stavil va ov, objavljen tekst.
ovako san dopisal:
Ivo Jardas va svojoj knjige o Kastavšćine piše da je "dobil ime po štrpedeh ale pahljićeh ki su onuda rasli."  Klanjac Matko Laginja pak piše da je Pehin dobil ime po familije Pehlin ki su bili Nemci al da jin se je trag zatrl.
Isto tako, mikimiki je to primetila, storil san strašnu grešku aš san napisal Potla Drugega rata Talijani su prezeli Reku i Kantride dali ime Borgomarina a kada je rat finil Kantrida je opeta postala Kantrida.
Jasno da treba Prvega.

[zokxy]

Da luka, mislio sam na gramatička greške i ostalo pa Milić onda popravi u finalnoj verziji teksta u zaključano temi, jer će i ovi tekstovi najvjerojatnije u slijedeću Milićevu knjigu. Pa ga mi dođemo kao besplatni lektori 

[milić]

Da luka, mislio sam na gramatička greške i ostalo pa Milić onda popravi u finalnoj verziji teksta u zaključano temi, jer će i ovi tekstovi najvjerojatnije u slijedeću Milićevu knjigu. Pa ga mi dođemo kao besplatni lektori 

I to, ali to je manji problem.
Veći problem je ovakav primjer gore naveden koji je uvidjela mikimiki. Taj je bio slučajan, iz nepažnje. Ali može se dogoditi kiks iz neznanja, nepoznavanja materije jer dva čovjeka uvijek više znaju od jednoga. Već sam nekoliko puta kontaktirao Konta npr. 

[Daluka]

Kako mi čakavci rečemo

U zaleđu Rijeke na malom prostoru postoji više verzija čakavskog govora. Klanjci, Studenjci, Halubajci, Grobničani, Kastavci, Matujci (Liburnijski kraj), svaka od tih skupina ima neke specifičnosti u govoru (izgovoru) čakavskih riječi.
U koju grupu biš sebe svrstal, koji ti je govorni izričaj najbliži?

[milić]

Ja govorim od rođenja po studenski (oba roditelja iz Studene) .Nikad nisam u Studeni živio. Djetinjstvo sam proveo na Pehlinu i to je jezik na kojemu bih ovaj rad pisao. Tako se i trudim ali...
Sam govor je u ovoj fazi najmanji problem, problem je krivo napisana činjenica ili ispuštena bitna činjenica. E tu bi mi trebala pomoć ostalih.

[elvis]

Blizu škole je pokojna Riječka industrija odjeće, naš dragi RIO. Čitan va novinah da će se na ten terene, ki je, trebe priznat, na lepen meste, srorit palaci. Samo da se ki ne zmisli pa i školu proda i stori tuka, recimo, hotel.

U Splitu su se toge zmislili - Atraktivni teren usred grada, na kojemu se sada nalazi gradska bolnica, Split će prenamijeniti i prodati kako bi vraćao kredit za koji će mu Kinezi otprilike jednako veliku bolnicu sagraditi dvadeset kilometara izvan grada!

http://hr.n1info.com/Kolumne/Boris-Dezulovic/a442636/Kako-smo-sistematski-unisteni-od-idiota.html

 

[milić]

 

[Daluka]

U zaleđu Rijeke na malom prostoru postoji više verzija čakavskog govora.

Ja govorim od rođenja po studenski

Ča se va Studene ne reče kariga?

Kako mi čakavci rečemo kantrida za stolicu

Čakavski izraz za stolicu: katrida, kantrida, kariga, katriga,