Zač...

[Rijeka]

Jast prihajan na bezbojno 

[zokxy]

Zač je Podvežica a ne Vežica a zač Gornja Vežica

Kad smo 1965. prišli bivat na Podvežicu moj otac je govoril - Podvežica a ja san se jadil na njega aš da je starinski kada je pravo ime Vežica. No, ni baš tako kot ča san ja mislel. Gospa Larisa Grčić - Simeunović va Suvremenoj toponimiji k. o. Sušak piše da je nekada ime brega bilo Vežica pa je onputa najnormalneje da se selo pod ten bregon, kega mi danaska zovemo Sveti Križ, zove Podvežica.
To je ča se tiče imena Podvežica. A ča ćemo z Gornju Vežicu? I ona je pod bregon i po brege a jedno mesto se već zove Podvežica. Kad su se počele delat višestanbene kuće po vežičkemu bregu Podvežicu smo zvali Dolnja Vežica pa je bilo najnormalneje da se ono ča je zgora nazove Gornja Vežica pa neka tako i ostane. Ma san lepo objasnil, ča ne?
Va ten članke gospa Larisa nabraja imena deli Podvežice kot ča su Tihovac, Brdo, Lupiševo, Vijovo, Bambušovo i još neka. Za par njih san čul a neka se još vavek tako zovu aš su po njimi nazvane neke  podvežičke ulice. I za neka gornjovežička imena znan kade su : Marči, Podmarči, Sveti Križ, Sveta Ana, Kalina a za neka: Frlanovo, Rebar, Babin Kljun, Selo nisan znal dok nisan pročital.
Ta imena su jako škakjiva stvar. Promeni se slika terena, neč novo se stori i nestane ime. Ako je bila kakova gromača pa se taj del zval Gromača potla je tu storen recimo dečji vrtić Radost teško će se već rabit ime Gromača.
Tako smo i mi prišići nazivali vežička mesta po nečen nan poznaten: škole, crekve, markete, joge, štreke, igralište (školsken), Orijentoven, skalami od/do Lenca, Tikvešu, Šimetu, Vulkanoveh kućah,bunkere..."

[elvis]

 

Samo na karti postoje dva toponima - Podvesizza i Sottovesizza, a ako se ne varam to je jedno te isto samo  je drugo talijanska verzija ?

[zokxy]

To su dva različita mjesta, ne ista 

[elvis]

Ali doslovno imaju isto značenje? Kao da na karti piše Rijeka i Fiume a za različete lokacije ali jedno tik do drugog