A ši znaš kade su bili kunfini od "zoni france" ? Pero, ni nanke to bilo prez vraga: Matuji su npr. bili va zone france, a Rukavac i Zvoneća nisu pak su va to vreme Rukafčani i Zvonećani švercali nazdolun dropi h rodbine va zonu francu kade su kuhali rakiju i onput ju švercali nazad doma. Talijanski financi ki su čuvali tu zonu francu su bili bimo danaska rekli "lako potkupljivi" pak su judi njin dali malo (ča j tebe par litar malo
) rakije i tako su pasevali prek kunfina. O temu piše maestralni Franjo Matetić va svojoj novoj knjige.
A kuhali su i po Lisine. ča ti govoriš, najviše pofin tega ča njin je bilo lagje kotli zapejat (zinest) v Lisinu nego se mantinjit po granicah. Trebe reć da su judi više rakiju proizvodili pofin užanci leh potrebi, aš va našen kraje se je konzumiralo relativno malo rakije (pogotovo u odnosu na neke druge hrvacke regije). Bimo rekli više za užancu leh potrebu.
