Hvala
Jena opaska-napisal san da san organiziral skroman susret.
Kad je to počelo va Kastve sad već pred 10/11 let u startu je to bilo zamišljeno ko druženje va dvorištu uz roštilj-ali nakon jednog/dva okupljanja pali su predlozi da storimo đir bar do Voloskega i Opatije,tako iz leta va leto smo se pejali se više ,i do Crikvenice-i ovaj đir Dane-Mune,ćićarija,videli su naši motoristi i Klanu i Studenu,i Gromišćinu ljudi su čuli za događaj tako da 2018 i 2019- bilo nas je i preko 50 od tega većina z motori
ALI..za susret organiziran na dobrovoljnoj razini kade ja na svoj trošak kupin većinu hrane i pijače i osobno se potrudin kontaktirat poznaniki,prijatelji i forumaši da pridu i uveličaju taj događaj-dogodilo se to da je sve počelo izmicat kontroli aš su za to čuli brojni mane nepoznati ljudi ki bi se na dan susreta samo odnekud pojavili z nekin motoron-neki i neregistrirani i raskramani,ki nisu poznali ni mene ni većinu drugeh člani foruma,nego bi samo došli,bez se predstavit,jili,pili,delali bedastoće z motoron,neki se i žešće zapili i stvar je bila na rubu incidetna da pride policija radi takovih.
Se je dobro pasalo ali san zato odlučil malo se povuć i lane i ovo leto puno diskretnije najavljivat događaj samo dobro poznatin osobama.
rezultat je fenomenaln-manje nas je ali sve pod kontrolom-naravno vavek se dogodi da radi ovih ili onih razlogi ni prišlo cca 7/8 starih članova foruma jer život ne pita već su neki trbuhon za kruhon u inozemstvu ,dva su baš tu subotu imali zadnji slobodni vikend pred ženidbu itd.
Velika pohvala Sabini ka se fantastično uklopila u tu priču ,oduševljena je sa mojim društvom i bila mi je više nego desna ruka va celen ten događaju...
A ovo sad...-Tomos i općenito retro đir je sad u modi i saki ki si more priuštit si je kupil neki motor pa su ti Tomos i drugi razni susreti počeli nicat na se strane ,tako i ovaj susret kade će se sigurno neki dinar obrnut va nečigov žep čin se delaju majice i privjeski za prodaju+primaju donacije (piše na plakatu) ,zato san se odlučil držat podalje od njega mada su me pozvali da reklamiran i sudjelujen.
