Zač...

[milić]

Dakuka - Riječka toponomastika - Skok, Petar - ne moren nać! Kade je to, va ke knjige? Nacionalna sveučilišna knjižnica?

[milić]

Zač volin Kantridu

Ovaj pasus:

Mislel san i da je kantrida po talijanski - stolica ma mi moji informatori, ki su jači va talijanskemu od mane, govore da je na talijanskemu kantrida sedia i bog. E sadahna, kako je nastala beseda kantrida to bi bilo delo za zajičare a ja siguro nisan tisti.


 san promenil z oven:


Mislel san i da je kantrida po talijanski - stolica i nisan bil dugo od istine. Po venecijanski je kantrida carega pa se oko tega vrtelo - kariga, katriga, katrida pa kantrida.
------------------------------------------

Promenil san va "originale" ki je i daje sklon promenan. 

[Daluka]

Brgud(i) od virgultum   - 

Petar Skok, ZRP 41

[Daluka]

Dakuka - Riječka toponomastika - Skok, Petar - ne moren nać!

Literatura koja je završavala u kontejnerima početkom 90-tih na sreću tu je www pa se ipak može pročitati.
Istorijski časopis, organ istorijskog instituta SAN knjiga III 1951.

[milić]

Dakuka - Riječka toponomastika - Skok, Petar - ne moren nać!

Literatura koja je završavala u kontejnerima početkom 90-tih na sreću tu je www pa se ipak može pročitati.
Istorijski časopis, organ istorijskog instituta SAN knjiga III 1951.

Našao, hvala!
I onaj dan sam bio tu, na tragu ali vudim ćirilica pa sve mislim ma di će tu Bit o Rijeci.

[milić]

Zač slabo poznan  Zamet

Trampi, Pužići, Mulci, Tići, Drnjevići, Mamići, Ćikovići, Selinari, Starci, Pilepići, Malonji, Lenci, Rude, Pavinići, Dolnji Blečići i Katrida. To su zaselki Županije Zamet ke je nabrojil Matko Laginja va knjige Kastav Grad i obćina ka je štanpana va Trste 1889-ega leta. Još je tu i Zamet ki je va to vreme bil selo aš je cela županija (Zamet i ovi nabrojeni zaselki) brojila 589 stanovniki ki su bivali na 116 kućneh broji. Ja san još čul za Bontići i Baredice a Jardas va svojoj Kastavština ... je dodal i Marčejevu Dragu. Kad se malo boje pogjeda ta imena vidi se da su malo manje leh sa ohranjena va današnjeh imen ulic, najveć po Mesnemu odboru Zamet. Domaći judi će lahko prepoznat i prezimena ka su nastala va teh zaselki a boje je reć da su zaselki dobili imena po teh prezimeni.
Ime Zamet da je nastalo, kako piše Jardas, aš da je neki halubajski ofčar gnal ofci po snege pak, kad je doma prišal, da je povedal kako su mu ofce, kade je danaska Zamet, zapadale va veli zmet al zamet od snega. I po ten zamete od snega da je Zamet dobil svojo ime.
Uvdeka su dva imena ka su mane interesantna. Mulci je selo ko je promenilo ime va Pletenci. Mulac se je reklo za muškega a mulica za ženskega otroka kega je mat rodila a da ni bila oženjena. Ti nebogi mulci i mulice nisu bili baš štimani med našemi judi aš kad se kemu reklo mulac to je negda bil veli špot. Pa je trejseteh let pasanega stoleća nekemu z ten prezimenon bilo dosti tega špota i promenil je prezime va Pletenac. Ja poznan jenega z Pletenac, ki je šal smanun va pehinarsku školu, a preziva se Mulac i jenega ki se preziva Pletenac a šal je smanun va srednju školu.
Ča se tiče imena, danaska fanj nastanjenega, MO Marčeljeva Draga o ten se piše va Jardasove Kastavština ... Za onega ki ne voli čitat na brzinu trebe reć da je ta del Reki (a i Brgudi kade je storeno brodogradilište, danaska 3. maj) nekad bil od Antonoveh z Marčeji. Oni su ga kupili od carevini kad je cesar Josip zabranil ježuvitari i zel jin si posesi. Prezime teh Antonoveh, kot i mnoga pul Marčeji, je bilo Marčelja pa ni teško domislet se zač se to zove Marčejeva Draga.
Zamećani se jako diče svojun školun ka je vadila decu pisat i računat još od 1891. Imeli su i Obrtnu školu koj je derehtor bil inžinjer Kopecki i crekvu ku da su Zamećanke z babuji škapulale aš su Talijani 1924., kad je delan kunfin med SHS i Talijun, na silu oteli da crekav bude na njihoj strane.

Zamet je, kad su počele delat fabrika torpedi i Dok, kako su zvali brodogradilište, a i rafinerija, lepo živel aš su Zamećani bili dobri, školovani artižani ki su imeli lepe žurnade. Počel je živet po gracku. Se više judi je prihajalo tuka bivat aš je bilo lepo živjenje. Delale su butege i oštarije, tancalo se je a i sport je počel dihat aš je tu bil Sokol Kantrida - Zamet.
Ja san prvi put čul za Zamet od oca ki je povedal jenu smešicu od jenega Zamećana ki da je Studenu prihajal na fraj.
Doro Lenac da se je zval i da je bival va Zamete, kuća broj 103. Bekar da je bil. Va Studene su bili po nedeje tanci a njemu se siguro jako dopadala ta Studenka aš je dobre dve ure hoda do Studene. A Doro da je, seboj više od Studenke, volel vinićo pak da se je užal grdo napit. Tako, pijuć da je govoril kako mu mat namaja:
- Doro, Doro črni Doro, čuvaj beči za črni dani.
- Tr dan mat. Po dane jih dobijen po noće jih zapijen.
Okolo 1960., dok smo još bivali na Pehine, otprt je Dom pul Drnjevići kamo su moji uževali poć na tanci. Drugi dan su mi povedali kako jin je bilo lepo, kako su jili čvapčići a mane su tekle slini. Zmišjan se i da san okolo 1964. bil va Zamete va školske anbulante, paseval san po Zamete kad san šal na kupanje a za jedan Osmi mart san va non-stope, Žudika mi se čini da mu je bilo ime, kupil mame za dar konplet sakakovega žira, valda od plastiki. Va kine Sloga san z braton šal gjedat Tarzana... I to je se čega se domišjan do 1965. Kašneje, kad san delal, "pol" 3. maja je bivalo na Zamete. Puno san šnjimi ćakulal i čul za rukometni klub, gimnastičari, Zametski koren, Slogu, nogomet, maškare, Saharu, Domaćina, Grka... Ma sega je bilo na Zamete pa ni ni čudo da je danaska zapadni del Reki, potla Drugega rata, dobil ime Općina Zamet. I tako je bilo se do 1962. kad su se općine Zamet, Stari grad i Sušak spojile va Općinu Reku.
Ma sejno san malo put gore zašal. Kad bi ki umrl va Žamariće bin popil biru i doma šal. Moj interes je bil "na pedaj od mora" - od Opatije do Crikvenice. Evo, zato slabo poznan Zamet.

[milić]

...

[Daluka]

Zač slabo poznan  Zamet

Trampi, Pužići, Mulci, Tići, Drnjevići, Mamići, Ćikovići, ... To su zaselki Županije Zamet ke je nabrojil Matko Laginja va knjige Kastav Grad i obćina ...
...
Za onega ki ne voli čitat

Ala pročitaj još jedanput
Jurčićeva županija ... Ćikovići
Zametska županija ... Ćiković, neznan kade bi to bilo!

[Daluka]

Zač slabo poznan  Zamet

Trampi, Pužići, Mulci, Tići, Drnjevići, Mamići, Ćikovići, ... To su zaselki Županije Zamet
...

U knjizi "Naselja i stanovništvo SRH 1857-1971" se spominju naselja Č(ć)ikovići i Cikovići dok Laginja piše Ćikovići i Ćiković, očito je da je to naselje postojala na teritoriju Zametske županije. Pitanje je gdje?

[milić]

Znan (videl san) da piše Ćiković al san mislel da je štanparska greška. Još mi je bilo čudno aš su Ćikovići ipak malo daje.
A sad kad si to zivukal...
Neki Srdoč, ki je bival va Palace va Pehine, je govoril da mu je Ivan Ćiković Beli nekakov blizak rod, me par ujac. Pred malo mu je sin, smanu je šal va školu, umrl i vidin da jin je kućno ime Brkotovi a bili su od Drnjevići, kuća nekako kraj Morčića, z južne strani cesti, ako se dobro domišjan. Morda je to taj zaselak Ćiković

[jazbac]

Ne znan ako to ima kakove vezi, ali Ćikovo je područje zmej Bani i Brnasi 

[milić]

Znan (videl san) da piše Ćiković al san mislel da je štanparska greška. Još mi je bilo čudno aš su Ćikovići ipak malo daje.
A sad kad si to zivukal...
Neki Srdoč, ki je bival va Palace va Pehine, je govoril da mu je Ivan Ćiković Beli nekakov blizak rod, me par ujac. Pred malo mu je sin, smanu je šal va školu, umrl i vidin da jin je kućno ime Brkotovi a bili su od Drnjevići, kuća nekako kraj Morčića, z južne strani cesti, ako se dobro domišjan. Morda je to taj zaselak Ćiković

Pogrešil san! Nisu Brkotovi nego Brkanovi.

[elvis]

Ne znan ako to ima kakove vezi, ali Ćikovo je područje zmej Bani i Brnasi 

 

http://croinfo.net/forum051novi/index.php?topic=2869.msg68852#msg68852

Vitomir Širola Pajo

MOJ PUT U PARTIZANE
[...]
 često su Talijani polazili u većim grupama cestom iz Kastva u pravcu Sv. Mateja i dalje, a ja sam imao dobro spremljenu jednu kragujevačku bombu i pošao da je upotrebim na Talijane na cesti na Ćikove, a to je između mog sela Brnasi i Žegoti.

[Daluka]

Mulac se je reklo za muškega ... otroka kega je mat rodila a da ni bila oženjena.

Isto kod za ugljenari, mušku mulu, dešprtjivega malega.

Ćikovo, se je jasno iz priloga. Tu smo nekad znali nogomet igrat.

[Daluka]

Zač slabo poznan  Zamet

Mulci je selo ko je promenilo ime va Pletenci.

Moreš neš više povedet, kad, zaš, ...?