Fotografije iz ratnih vremena iz naših krajeva

[elvis]

Drug Josip Marčelja sa još dva druga u obilasku bivše jugoslavensko-talijanske granice. Ovo meni liči na Gumanac-Platak. Auto ima registraciju, na žalost, ne mogu otkrit o kojim se oznakama radi. Da li je to po završetku rata?

Malo sam se virtualno prošetao po tim lokacijama .. onako na prvu čini mi se da je lokacija na malo većoj visini, visoravan Gumanac i ostali dio kuda prolazi cesta prema Platku su malo nisko. Koliko god je Snežnik visok , okolna brda oko ceste su dovoljno visoko da ga zaklone.

Prva lokacija koja djelomično zadovoljava je kod jugoslovenskog Štulca, brdo s desne strane bi moglo biti Trstenik.

[jazbac]

A ki je bil Jože Marčelja?

Za sada san skopal ovo: 
Dva Josipa Marčelji su bili komunisti i revolucionari. Jedan je bil Matijašev, a drugi Juretov (u daljnjem textu Joso). Oba dva su bili učesnici Prve konferencije komunsta kotara Kastav održane 4.7.1942. leta na Lončevoj Griže (to je zgora Lučići - za oneh ki ne znaju) na meste ko se zove "Strašivci".
Josip Marčelja Matijašev je bil član skojevske grupi Marčelji formirane va jule 1941. leta, a krajen istega leta postal je član Kotarskega komiteta SKOJ-a.
Joso Marčelja - Juretov je bil član Kotarskega komiteta KPH i po onen ča znan (za sad) je da je poginul va rate, ča znači da je na ovoj našoj fotografije Josip Marčelja Matijašev. Va Noven liste od 9. setembra 1971. Josip je pisal kako su se halubajski skojevci parićevali za poć va partizani, pa su pripremi mej ostalen uključivale i učenje skijanja (Kako Dimnajačar va Kapelskeh kreseh  ). Na jednoj senokoše zgora Garić trenirali su skijat i naletela je talijanska patrola. Talijanon je bilo smešno kako su mladići padali, pak je jedan talijanski podoficir zel skije i počel ih vadit. Pokle je to bilo jako smešno da su Taliijani vadili budući partizani skijat.
Nakon ča su Talijani okupirali Halubje (april 1941.)  počel je teror i pritisak va potrage zad partizani i njihemi pomagači. Talijani su uspjeli unest i "sjeme razdora" mej antifašisti pak su se i mej sobun počeli ubijat, a posljedica je bila da se je dobar del članstva "pasiviziral". Mej 4 ki su ostali aktivni bil je i Josip Marčelja Matijašev. Stanje se je počelo popravjat nakon gore spomenute konferencije 4.7.1942.
Zanimljivo je da se je na toj konferencije vodila vela rasprava okol odnosa KPH i SKOJ-a, jer su te dve organizacije va to vreme bile gotovo pa potpuno organizacijski odvojene pa člani KP nisu oteli va svoji redi primat SKOJ-evci. Razlog je bil strah da će se onda prekinut veza Partije i omladine.
A sad Milić par podatki za te:
Josip Marčelja kega su zvali i Jožić bil je od Matijaševeg dolnjeg keh su zvali i Žanetini. Gornji Matijaševi su nosili prezime Jardas i oni su dosta poznati preko Ivota Jardasa i Milića Jardasa. Jožić je bil rojen 1921. leta i nakon ča je šal va partizani (vjerovatno krajen '42.) Talijani su mu internirali mater i oca va Italiju, a va njihu kuću su prišli bivat soldati. Z internacije su se vrnuli potla rata, a Jožić je va partizaneh postal oficir i ostal je va aktivnoj vojnoj službe. Zato bin ja rekal da je na ovoj slike naš Jožić potla rata kako partizanski oficir. Okol 1947. se je oženil za Anku Sovićevu z Furićeva i šli su bivat va Ljubjanu kamo je Jožić premešćen na službu. V Reku (kade je dobil stan) se vrnjaju 1965. leta kade i biva do smrti 1985. leta. Hćeri su mu Biserka (1948.) i Tatjna (1950.)



Jožić Marčelja na proslave 30 let konferencije KK KPH Kastav 1972. leta skupa s preživelemi učesnici konferencije.

[milić]

Kako ti to lepo znaš storit. Bravo: 
Inače, ja san falel. Prevaril me moj nos. Zdenkotov tata je bil Anton, Tone, a neki ga je zval i Toni.
Ja ne poznan te ljude. Moj otac bi jih poznal sigurno, a i ostali stareji Studenjci. Va ono vreme (Kraljevina JU) bili smo najbliži susedi.
Inače, moj otac se smiron karal i čak jedno dvaput, ča ja znan potukal v oštarije z Marčejci. On jih je zval partizani z lumbrelu. Aš da su celi rat pasali pod lumbrelu. Jasno da to ni istina, ali on je to tako videl. Vavek je govoril da bi ovi iz XIII Primorsko-goranske divizije zapucali, pobegli va šumu, a onda su judi nadrapali zarad odmazdi. No, kad mi je otac povedal ča je se pasal po Like i Bosne ni ni čudo da se tukal po oštarijah z onemi ken je ipak lagje bilo. A da ne govorimo potla rata kakove su si neki beneficije priskrbeli. I pozicije.

[jazbac]

Ovi dni ću imet priliku družit se z nekemi Marčejci i komać čekan da njin "prodan" ovo "Partizani z lumbrelun"   

[fusher]

 Milić, ča poveaš za onisti ili ovisti rat? mislin, malo san zbunjen pofin teh beneficiji...

a ti jazbac ti žanetini, ča imaju kakove vezi z tvojmi žantinemi?

[jazbac]

Nimaju nikakove vezi, samo ne znan ki moji Žanetini (moji su Zantovi) Ovisti su od Marčeji, a još su zvali i Matijaševi dolnji. Nego, potla san našal da j Elvis ovdeka stavil jedan članak z Glasnika Općini Viškovo va ken opišuje kako je Jožić Marčelja zakasnil na sastank kad su se spravjali poć va partizani i tako zivukal živu glavu, a 9 od njih su Talijani streljali va jednen dolčiće pul Benčani.

[jazbac]

. Vavek je govoril da bi ovi iz XIII Primorsko-goranske divizije zapucali, pobegli va šumu, a onda su judi nadrapali zarad odmazdi.

Milić, kad već spominješ 13. primorsko goransku diviziju iman i 2 sliki od njih. Na prvoj je komanda divizije, a na drugoj borci na položaje. Na žalost, niman podatke kade su sliki storene

[fusher]

Nimaju nikakove vezi, samo ne znan ki moji Žanetini (moji su Zantovi) Ovisti su od Marčeji, a još su zvali i Matijaševi dolnji. Nego, potla san našal da j Elvis ovdeka stavil jedan članak z Glasnika Općini Viškovo va ken opišuje kako je Jožić Marčelja zakasnil na sastank kad su se spravjali poć va partizani i tako zivukal živu glavu, a 9 od njih su Talijani streljali va jednen dolčiće pul Benčani.

pitaj aldota ki je bil milan žanetin.
jbg, kad si pozabjiv..

[milić]

Milić, ča poveaš za onisti ili ovisti rat? mislin, malo san zbunjen pofin teh beneficiji...

Kako gre ona pjesma:
To je nama naša borba dala da imamo penzije za badava.
Vavek vojska  (jasno pobjednička) dobije beneficije. A oni drugi po trubcu.
Povedal mi je jedan Zagorac kako je šal va domobrani aš da su oni cikuladu delili, imeli uniformi, a ovi drugi bili goli i bosi. Delal je dok je mogal pak šal va staračku penziju, valda z 65 let.
Moj otac je šal z 50 va "boračku". Mat je dobivala, nakon njegove smrti, me par 60% njegove penzije i imela je 2500 kun. A stari je bil šljaker va Luke dok ga nisu malo prišparali, morda i zarad baruf ke je storil, pa je postal skladištar. Z rata je došal z činon stariji  vodnik haha z 25 let. Želin reć da je imel solidnu penziju, a da ni bil vela šarža. Onda moren samo mislet kako je bilo onen ki su zašli vanka z činon i aktivirali se va JNA.

[jazbac]

pitaj aldota ki je bil milan žanetin.
jbg, kad si pozabjiv..

  imaš pravo! Baš san ono ča krava zleže, da ne rečen sam sebe...telac!

[zokxy]

Milić, kad već spominješ 13. primorsko goransku diviziju iman i 2 sliki od njih. Na prvoj je komanda divizije, a na drugoj borci na položaje. Na žalost, niman podatke kade su sliki storene

Na ovoj drugoj fotki me pari ko da arditi od pjesnika poziraju nicim izazvani ... 

[grašćina]

Najbolja mi je ova krajnje desna - facepalm iz 1941!! 
Ovim ostalima su naredili, al se ona nije dala smesti! 






Ha ha, a sad prepoznajem i nick naše  "Riječanke" 

[elvis]

Milić, kad već spominješ 13. primorsko goransku diviziju iman i 2 sliki od njih. Na prvoj je komanda divizije, a na drugoj borci na položaje. Na žalost, niman podatke kade su sliki storene

Na ovoj drugoj fotki me pari ko da arditi od pjesnika poziraju nicim izazvani ... 

Pa normalno da se fotografije rade u "idealnim" uvjetima, a to nisu nikako za vrijeme bitke. Sve vojske su tu iste, svi poziraju prije bitke.

[Rijeka]

Najbolja mi je ova krajnje desna - facepalm iz 1941!! 
Ovim ostalima su naredili, al se ona nije dala smesti! 

Ha ha, a sad prepoznajem i nick naše  "Riječanke" 

Bilo mi to zabavno tih dana pa tako i ostalo... 

[ilirija]