MATULJI, KASTAV I OKOLICA

[jazbac]

[jazbac]

[elvis]

Čujem da je došlo do raskola u halubajskim zvončarima, ako sam dobro shvatio marčeljski su izbačeni iz udruge. 

[milić]

Niš čudno. Ne znan detalje, ali oni su se već dugo prostituirali. Kampanat ovde, onde, a pozabit koreni. Pretpostavljam da su Marčejci oni ki su na putu,kako biju neki rekli, autohtonosti.
I usput, čera mi jedna stareja gospa, ha, kako san obazriv, a ima osandeset let, nekad bin rekal starica, poveda kako su pokla rata ubili nekega Studenjca. I zaključak - Ča je Kastavcu čovika ubit?!.Ja san se smrznul. A, kakovo mišljenje ima od Kastavci?

[milić]

Elvis je hitil ješku, a ja zagrizal pa san pozabil pohvalit ov uradak staro-novo.
Kad je to, jedno i drugo, slikano?

[fusher]

jazbac se je prtil po matujskoj općine, ja san pred 2 meseci ma nisan imel aparata...gren na fraj bez miša. trebal je skalini slikat po keh se gre gore na krov i kamaru kade je nekada bil mehanizam od uri, sada je noveji i mići, stari je bil na zupčanici i jedan mehanizam za obadve uri

[zokxy]

Ah, ti popovi ... neće više pare, već špek i maslo ....   

[fusher]

nedićevci? kraj '44 početak '45. tuda ih je bilo ko blata kad su počeli se z nemci povlačit i boga su molit da ih ne predaju partizanon...

[milić]

u Milićevim pričama , epizoda 4. maj 44. piše:

  ...    Na četire maja su, jutro z Klane, prišli niki nedićevci pobirat vojnu robu, najveć talijanske ponjave, ke je bilo fanj po selu . Na nike traje su nakladali tu robu. I niki judi z sela su in pomagali. Va to su, okoli  9 ur, prišli Njemci po cisti  z pravca Puligradišća. Se jude su zagnali pred crikvicu i tamo postrojili. Va nje su uperili mitraljeze...
 

[elvis]

Elvis je hitil ješku, a ja zagrizal pa san pozabil pohvalit ov uradak staro-novo.
Kad je to, jedno i drugo, slikano?

A elvis nije uopće skužio da je u pitanju staro-novo, kako su obje bilo crno-bijele zaključio sam da su obje stare 

[jazbac]

  bomba Zoxy!
Fusher, ča ti misliš, v Rukavce smiron spominju ( i Frane Bertin je pisal o temu) četniki. Su to ti isti ki se ovde spominju Nedićevci ili su bili i jedni i drugi. Osim njih su bili i Rusi - čerkezi. To da j bilo strašno kako su bili divi i smiron pijani.

[fusher]

sakakoveh ih je bilo, i si bradati i šenčivi..
nego, znaš štoriju od razbijenega voza i pojedene kozi?
da su četniki zeli voz za seno pejat i tovara, pak da su nenavajni na fren na voze zleteli va nekakov dolac, a drugi da su na ledine videli kozu, pak su je spekli i pojili, da se je i zato od nemci iskala ratna odšteta.

[milić]

Ča ti je pak ta fren?
Kakova brenza, sana, ...

[jazbac]

Je Milić, fren je sana, brenza ale kočnica , a nisan ovu štoriju čul, čul san neke druge, a nijedna lepa  sreća i boh da više nismo braća 

[elvis]

Nikad ni nismo bili braća sa zločincima i banditima, barem znam da ja nisam bez obzira koje su nacionalnosti.