Sad ću ja upitnik stavit kako nisi skuži ča mislin reć
Znači odvavek san opažal neke stvari sitnice ili događaji ki drugemi nisu bili bitni i tako 92 kad je bila neka provala va našen naselje na tošine jušto san se va sitne ure vrnjal doma odnekud i abadal san auto - bela golf duja ri xx7 Z z nekin nepoznatin dečkima nutre na dnu parkinga
I drugo jutro san pital po selu je se ča noćas dogodilo i štorija je prišla do opatiske stanice- zvali su me na razgovor- dal san in opis i tablicu auta, opis dečki i na kraje je ispalo dasu prvo maznuli golfa nekemu pomorcu z garaži a onda šli va daljnju nabavu ž njin
Kako su iz mojeg dosjea znali da san finil i va bivšoj vojske ŠRO za rezervni oficiri pitali su me ako bi se zaposlil va mupu i da bi me poslali ba neki tečaji za kriminalistiku jer da iman dobru moć opažanja i zaključivanja - lepo san se zahvalil ko i leto dan prvo kad su me radi te spereme isto oteli mobilizirat va policiju da vodin neku jedinicu na terenu(rat je počinjal)
I on put san se isto zahvalil aš san par dan prvo bil za stalno primljen na delo a od vavek je postojala u meni neka antipatija prema organima vlasti
bez obzira dal se misli na piliciju ili vojsku ili političari ili popi
